影片
更多
2019-01-03
425 瀏覽
想當年讀書時，最鍾意去荃灣行街，行到攰就去唯一買個熱辣辣嘅餡餅邊行邊食，一直都冇留意佢响葵芳原來有分店，今日一於去回味吓！唯一除咗餡餅外，麵食、餃子、客飯都好有水準！今日點咗梅菜扣肉（配菜飯）、蘿蔔牛腩（配菜飯）、回鍋肉（配湯麵）、紅油抄手、北京煎餃。梅菜扣肉 - 扣菜唔太鹹，扣肉好淋好入味，入口即溶，非常下飯！蘿蔔牛腩 - 蘿蔔正值當造期，香甜多汁，牛腩用柱侯醬炆得入味，非常可口，可惜份量較少。回鍋肉 - 盡顯上海菜濃油赤醬嘅本色，牆汁偏甜辣口味，配飯最好！今次配麵（+$6）亦有驚喜，麵條可以揀幼麵/粗麵，份量超大碗，湯底較清淡，配濃味回鍋肉就最啱喇！北京煎餃 - 係餡餅以外最熱賣嘅點心，餃子煎到脆卜卜，韮菜豬肉餡又香又多汁，一客5隻實在太少喇！紅油抄手 - 相對係比較失色嘅，紅油唔辣，醬汁太淡帶唔起肉餡嘅鮮味，只係一粒冇湯嘅肉肉雲吞 葵涌廣場分店，人流唔算多，所以坐得幾舒服！服務員姐姐個個醒目勤快，仲幾貼心咦？突然間又好想再去食回鍋肉添！😅
唯一除咗餡餅外，麵食、餃子、客飯都好有水準！今日點咗梅菜扣肉（配菜飯）、蘿蔔牛腩（配菜飯）、回鍋肉（配湯麵）、紅油抄手、北京煎餃。
梅菜扣肉 - 扣菜唔太鹹，扣肉好淋好入味，入口即溶，非常下飯！
蘿蔔牛腩 - 蘿蔔正值當造期，香甜多汁，牛腩用柱侯醬炆得入味，非常可口，可惜份量較少。
回鍋肉 - 盡顯上海菜濃油赤醬嘅本色，牆汁偏甜辣口味，配飯最好！今次配麵（+$6）亦有驚喜，麵條可以揀幼麵/粗麵，份量超大碗，湯底較清淡，配濃味回鍋肉就最啱喇！
北京煎餃 - 係餡餅以外最熱賣嘅點心，餃子煎到脆卜卜，韮菜豬肉餡又香又多汁，一客5隻實在太少喇！
紅油抄手 - 相對係比較失色嘅，紅油唔辣，醬汁太淡帶唔起肉餡嘅鮮味，只係一粒冇湯嘅肉肉雲吞
葵涌廣場分店，人流唔算多，所以坐得幾舒服！服務員姐姐個個醒目勤快，仲幾貼心
咦？突然間又好想再去食回鍋肉添！😅
張貼
