金蛋飯家 (已結業)

太安樓嘅美食小店，價錢大眾化之餘，食物高質。小店多數係幾個人運作，訂單多起上黎，少則等十五分鐘，耐則半個鐘九個字，但啲人都係照等，秩序良好。呢間蛋包飯我等左差不多九個字呀！到我嘅時候，老闆知道我係第一次食，要比着數我。佢比左隻膠羹我，然後就跟手剪左兩塊豬頸肉我。呢個老闆熱情到令我尷尬我當堂唔知點樣反應，老公又行開左，我張枱同個位又無埋，然後仲有盒飯喺我面前。我隻手就揸住隻羹企咗喺度。老闆見到我有少少不知所措就即刻幫我開枱拎埋我盒飯。😅個豬頸肉係肥美同時又爽口嘅。我本身就叫左個雞扒流心蛋包飯。汁燒雞扒燒得好香，蛋又滑。佢蛋包飯內仲有洋蔥粟米嗰啲。我叫正常口味，但都略嫌濃味咗啲。下次可以就咁要豬頸肉雞扒雙拼飯，仲唔洗等咁耐。