哈豆

營業中

休息中

聚餐當日係星期日，我早左6點幾就入去食飯，所以去到侍應姐姐幫我地開埋隔離鋪位。由於餐廳內使用白光燈，地面鋪左黑色木板。整體望上去都較暗。可能因為冷氣啱啱開，鋪位又係工廈入邊，濕度比較高、溫差又大,地面、餐枱、餐椅比較「立黐黐」。餐廳提供一個好貼心既服務，每張枱都有精美memo紙俾食客寫底要點既食物。然後過去隔離鋪位既點餐區。侍應會將餐飲送過嚟。當晚我地點左一客小香腸、每人點左一份主食+一杯飲品。我自己係叫逢甲鹹酥雞肉燥飯加一杯熱既珍珠豆漿。飯既味道都唔錯,豆漿就建議無糖或者少糖，都幾甜。