甜也

營業中

休息中

認識筆者既朋友肯定知道我係過氣甜魔，雖不能像後生時般甜品當正餐，但晚飯來總要來點甜，才覺圓滿。近日收到朋友報料，太子始創開左間新既蛋糕店，由藍帶糕點師主理，急不及待去會一會佢。要左三款蛋糕，同屋企人分甘同味。第一件係Ruby Pound Cake，外脆而內裡是像檸檬蛋糕，還混入了Poppy Seed，層次豐富，幾特別。賣相像具殼的一顆，是Cacao Cake，入口帶點點煙韌，我喜歡這質感，味道則是濃郁而有層次的朱古力味，頂頭少少金箔作點綴，增添矜貴感。最後一件的Pistachio & Orange Cake，開心果像是近期大熱，好在酒店下午茶都以其為主題。的的骰骰的個子，開心果香之餘又滲出清新氣息，好睇又好食。小試牛刀之後，下次可以試多幾款唔同口味，滿足我既甜胃。