十二味 (香港仔中心4期)

營業中

休息中

我對十二味呢一個品牌一直追隨，鍾意佢哋嘅香辣做得相當到位，食過佢好幾間分店，都未試過佢香港仔嘅呢一間，趁啱啱搬咗過嚟西營盤，近近地就過嚟試下。武隆川椒雞，川椒雞雞肉嫩滑，特別鍾意佢除咗青椒同青胡椒粒之外仲有蓮藕粒同炒，一口嫩滑，一口爽脆，相當過癮；青胡椒粒我都係第一次試，個味道非常特別，胡椒味無咁強但係帶有少少甜味同埋一種獨有嘅香味，感覺清新。經典香辣鍋中辣加麻，材料揀咗美國肥牛、台灣魚腐、午餐肉、花菜同寬粉，以青椒、乾辣椒、花椒、蒜頭、芫茜、芝麻、蔥頭同脆豆同炒，味道辣中帶麻，麻中帶香，經典嘅十二味香辣鍋味道令人欲罷不能：美國肥牛滑不漏口，寬粉索盡香鍋嘅精華，非常好食。