祥勝茶餐廳 (已結業)

身為一位90後青少年，但係就好喜歡飲奶茶同咖啡 曾經有朋友同我講：『鍾意飲奶茶既通常都係上左年紀既人』我笑了一笑，然後對他說：『始終任何事都唔可以一竹篙打一船人，世事無絕對！』我幾時開始鍾意同點解嗰陣鍾意飲熱奶茶既原因已經唔記得，但也許喜歡就是一種感覺，有時候係好難用言語去表達。我個人最喜歡既奶茶當然係港式絲襪奶茶，亦有朋友曾經唔知係搞笑定認真咁問過我：『絲襪奶茶究竟係咪真係用絲襪沖？』 我笑而不語，沒好氣答他，因為我相信大家都知道所謂 “絲襪”，其實係指一啲毛布茶袋。平日去到一般餐廳或酒店，我都唔會叫熱奶茶，因為佢地沖既普遍都係西式奶茶，奶味同茶味係完全唔能夠同港式奶茶相比，而且步驟亦唔夠港式奶茶嚴謹。我經常四處尋找好食物，當然，有時都會去唔同地方試下熱奶茶，試過咁多間食肆我認為喺跑馬地既呢間祥勝茶餐廳既奶茶係全香港最好既奶茶之一，奶用上一般茶餐廳都會用既黑白淡奶，固然奶味香濃。而茶方面，據聞是用上五種茶葉秘製而成，姑勿論係真定假，但飲得出茶味係好香，無澀味，留喺口入面既AFTERTASTE 係好長，就好似一位唱功好既歌手以高水準將一首動人歌曲演釋，為聽眾帶出嗰種"餘音繞樑,三日不絕