影片
更多
2010-10-27
99 瀏覽
老爸要看看孫兒, 星期日舉家去了太和. 首要任務, 當然是醫好自己個肚先啦. 黎到太和, 飲茶得兩個選擇, 而兩個選擇也是在同一個樓層, 美心縮水了, 位置滕空了給另一家酒樓. 門對門的, 一齊叫number, 邊面快, 入邊面, 結果美心贏了不足一個馬位. 剛好美心公關姐寫了檯號, 那一邊亦叫到我們的號碼.說起太和美心, 亦是我回味大埔的一個chapter. 只因老爸飲茶的地方, 遍佈整個大埔區. 太和美心開業不久, 老爸便同同事門, 飲到熟, 就算週末一家人去飲茶, 女公關一見老爸, 必有VIP服務, 就係唔駛攞飛等位. 今時今日, 我地既地位唔同哂, 已經不能再享受唔駛等位飲茶呢一個服務. 不過, 美心一直保留一個香港的傳統服務, 就是推車仔點心.童真回來了, 檯上碗筷一齊全, 茶又沖好. 第一時間就拿走點心咭, 找車仔, 找點心. 第一時間, 拿了兩籠回來, 鵪鶉蛋燒賣同珍珠雞. 鵪鶉蛋, 膽固醇極高之物, 但美食當前, 誰管. 傳統的點心, 美心一一做返出黎, 而且是一個健康版本, 因為發現到此鵪鶉蛋燒賣, 少油, 不肥膩. 珍珠雞, 細細隻, 不過一拆開荷葉...餡料為何會
說起太和美心, 亦是我回味大埔的一個chapter. 只因老爸飲茶的地方, 遍佈整個大埔區. 太和美心開業不久, 老爸便同同事門, 飲到熟, 就算週末一家人去飲茶, 女公關一見老爸, 必有VIP服務, 就係唔駛攞飛等位. 今時今日, 我地既地位唔同哂, 已經不能再享受唔駛等位飲茶呢一個服務. 不過, 美心一直保留一個香港的傳統服務, 就是推車仔點心.
童真回來了, 檯上碗筷一齊全, 茶又沖好. 第一時間就拿走點心咭, 找車仔, 找點心. 第一時間, 拿了兩籠回來, 鵪鶉蛋燒賣同珍珠雞. 鵪鶉蛋, 膽固醇極高之物, 但美食當前, 誰管. 傳統的點心, 美心一一做返出黎, 而且是一個健康版本, 因為發現到此鵪鶉蛋燒賣, 少油, 不肥膩. 珍珠雞, 細細隻, 不過一拆開荷葉...餡料為何會外露的呢...兩旁是糯米, 中間是餡, 好壽司feel. 大概是偷工的過, 卷好一大條再切切切.
細路哥飲茶時, 腸粉是我最愛的點心之一, 若有看我之前的深圳飲茶篇, 大家也會覺得我一定會叫碟腸粉. 香港的叉燒, 比深圳的靚, 香港的叉燒腸, 好自然地, 比深圳的好食. 叉燒, 是一片片的, 腸粉帶點叉燒的紅, 好蜜味, 豉油亦夠甜.
點了一個腐皮卷. 什麼腐皮卷不記得, 總之不是龍蝦湯底. 食食下才發現, 出面車仔推著的, 有三種不同的腐皮卷, 一個是蠔汁腐皮卷, 一個是龍蝦湯腐皮卷, 而我的就是不知什麼上湯腐皮卷. 總之湯底非常鮮, 配角既戲份, 重過主角.
說起美心有傳統點心, 的確, 點心咭上有另外一些懷舊點心, 任何時段都不設特價. 我們猶疑了好耐, 才決定試一試這個"失傳豬油包". 相傳呀, 以前生活艱苦, 食飽都難, 酒樓便推出呢一個用豬油搓皮, 欖仁, 糖冬瓜, 瓜子仁, 芝麻, 冰肉同玫瑰露酒做餡的甜包. 食落包仔甜甜的, 好似長洲的平安包. 本來一聽到豬油二未便怕怕, 食落, 原來是這樣的一個甜包. 試到特色點心, 大家都開心.
淨食點心, 冇啖飯麵落肚, 係唔會飽的. 美心酒樓既燒味, 一向都好出色. 呢度既叉燒選料靚, 完全半肥瘦, 蜜味十足. 叉燒汁美味, 用來撈飯是極好之選. 若連美心MX, Canteen都有呢一個水準就好極了.
食飽了, 老爸首次到太太的外婆家當然也要買份野上去. 爸爸在閘外大叫美心姐姐, 醒目地換來了一打西餅. 爸醒, 美心姐姐也醒.
一周沒抱BB, 重了不少, 長了不少.
張貼
