MOS Burger (已結業)

終於都有機會嚟試一試呢款日本burger，今次去咗朗豪坊呢間，去到唔係咁多人，幾易就搵到兩個位，我地兩個叫咗兩個set, 1個包+1包fries+1杯飲品1. MOS cheese burger - 麵包好厚但夠鬆夠軟，好大塊嘅肉茄，不過最奇係下面塊麵包竟然搽上日式咖喱醬汁，感覺古怪，同埋塊漢堡牛肉唔夠juicy，不過當然比麥當當嘅好啦。招牌貨，算係咁啦.....收貨。2. Fresh burger - 用沙律醬，類似Big Mac，只係多咗生菜絲，我諗用一塊塊嘅生菜，口感會好好多，不過可能一分錢一分貨。3. French Fries - 炸得啱啱好，鹽份少少，啱啱夠味。Comments: 服務幾好，落完order，有服務員拎嘢食比你。但係講到hamburger，始終都係美加嘅出品好好多。或者喺香港，我想食hamburger暫時唯有去返Triple O's or Archie B's。