Hami Harmony (已結業)

呢間店其實都留意左好耐，今次朋友生日，想比個生日驚喜佢，就帶佢地黎呢度慶生。我地4個人就選擇dinner for two，感覺上可以食到多啲野食，驚唔飽我地就叫加多一個人，第三位餐價半價，可以多個主菜、甜品同飲品，其他食物嘅份量都會按比例增加。我地揀左個是日餐湯，個日係大蒜薯仔忌廉湯個湯會飲到粒粒薯仔，幾好飲，大蒜味唔會好出，飲完唔洗驚口臭前菜就叫左蒜香醬燒一口和牛粒，肉質好嫩滑又柔軟，真係好好食，大家都食唔停主菜可以叫3個，我地就叫左智利藍青口忌廉汁意大利粉。用料足，好快地一人一口就食完。煙三文魚飛魚子意大利飯都好食，片三文魚好大片，配埋魚子真係一流。黑松露什菌帶子意大利飯就冇想像中咁好食，可能因為食慣黑松露係配意大利粉，第一次食黑松露飯，感覺還可以。是日甜品係芒果蛋白餅，感覺一般，要沾上芒果醬先有味道都係香蕉拖肥好食啲呢度環境係幾靚嘅，雖然間店細，但係布置得好精緻同埋坐得舒服。