Penthouse (已結業)

餐廳位於銅鑼灣登龍街，旺中帶靜，最啱喺附近行完街後，黎享受一下。我同朋友大約晚上六點就到達餐廳，由於晚餐高峰時間未到，所以當時得兩枱客人，整體環境更寧靜舒適。我哋點餐後，待應就好快手主動呈上一客法包，外表脆脆，內裏鬆軟，而且仲微熱添，夠曬新鮮，配埋香草醬一齊食，口感及味道都唔錯。姊妹談心，又點可以少得飲品呢！好姐妹叫咗一杯熱情果Cocktail，而我因為唔飲得酒，所以叫咗一杯士多啤梨奶昔。兩杯飲品嘅賣相都非常吸引，睇到已經心花怒放。好姐妹更表示，Cocktail帶少少酸甜味，酒味唔會太重，啱晒女仔飲添！另外，因為我哋兩個都唔大食，所以我哋只係叫咗一份NYC Chopped Salad 及 Lobster Risotto。先講沙律，份量真係好大碟，內裏有新鮮生菜、蕃茄、牛油果、大蝦同芝士等，配埋橄欖油及意大利香草醬，口感清新，絕對係前菜嘅好選擇。食完前菜，到主角龍蝦出場，足料兩隻龍蝦得我哋兩個人食，每人食一隻有啲太過份呢，哈哈！我想講，龍蝦肉真係好爽口又彈牙，全完保留鮮味；至於Risotto，由於係用薯仔及麵粉搓成(侍應講俾我哋知)，所以特別煙煙韌韌，Risotto吸收晒海鮮濃湯嘅味道，