姚姚酸菜魚 (希慎廣場)

營業中

休息中

今晚去咗食姚姚酸菜魚，晚市套餐除咗有酸菜，竟然有片皮鴨，呢兩個配搭有驚喜，我鍾意食酸菜魚，我朋友鍾意食片皮鴨。我哋2個人就揀咗A餐，分別有酸菜魚、 片皮鴨、川味鴨架。等咗一陣，侍應姐姐好快就上咗酸菜魚，而且放係蠟燭盤上保溫，溫度再熱少少更好。酸菜魚湯底夠酸，魚都幾嫩滑，魚份量唔多，如果湯底有埋紅薯粉會再飽d🙂片皮鴨出奇地好食，鴨皮鴨肉都夠味，有十塊餅皮份量包唔晒片皮鴨，最後就咁點醬食埋剩番果d。川味鴨架就係起咗鴨皮鴨肉剩低果d骨，純粹試下個辣味，完全冇肉食😂如果覺得唔夠喉，每人加$12任食甜品，有涼粉珍珠黑糖等等隨意配搭，滿足埋第二個胃👍🏻