Mini Friday (銀城廣場) (已結業)

威靈頓牛扒就食得多，但威靈頓春卷，我都係第一次聽。呢個係Mini Friday的首本名菜。我一心來試下的。😋😋😋來到覺得餐廳裝修得都幾有情調。燈光柔和氛圍。我哋被安排坐窗邊位，開揚得來都幾舒服。其實都幾岩情侶來💃🕺🇲🇽墨西哥脆片呢個係餐廳送嘅餐前小食。都幾香脆，食下食下好快清唒。🥗凱撒沙律$58來講都幾大碟。羅馬生菜伴上芝士碎、煙肉粒及麵包糠。生菜口感爽脆、凱撒醬酸甜開胃。🫔 威靈頓春卷中西fusion菜、都幾有創意。春卷皮比起酥皮更加香脆、牛肉用左美國牛柳，牛肉味濃之餘且鮮嫩多汁。配上芝士醬，鹹香得來，別有一番風味。創意100分，味道101分。🍝 海膽醬炒意粉配鮑魚擺盤都幾漂亮，碟邊灑上香草，配埋金黃色的意粉，賣相一流。意大利面沾滿海膽醬汁、味道鮮甜。麵條軟硬適中有咬口。鮑魚軟腍。好滿足。🍵抹茶蕨餅窩夫雪糕完美的－餐怎能沒有甜品呢。香脆窩夫配軟糯煙靭蕨餅，又軟又硬囗感並存。抹茶甘香清澀。配香甜濃郁的朱古力雪糕。完美的句號。