友利坊 x 友利冰室 x 勿當奴 (已結業)

行過見到門口圖案以及毛筆字體已經感受到香港文化以及玩味性，進店後見到牆上壁畫及掛飾佈置，更加有股熱血湧上心頭。唔知係咪因為呢個關係，餐牌上好多食材都標明由外國入口。.今次兩個人去撐枱腳點個經典西式二人晚餐 $218 包一個扒餐，一個意粉及兩杯飲品。① 一人威靈頓紐西蘭草飼牛柳配秘製蜜椒汁上餐望落覺得幾大份，切開見到粉嫩牛柳，夠晒軟腍，牛柳與酥皮之間夾住蘑菇蓉以及巴拿馬火腿碎，唔覺鹹但有好香蘑菇味！呢個威靈頓牛本身唔加醬汁都已經好好味，不過呢個秘製蜜椒汁都要試，係平時大排檔小炒蜜椒牛柳粒果種味道，正！伴碟仲有薯蓉同胡麻醬沙律菜，好豐富。② 秘製冬陰功海鮮炒意粉我鍾意佢用扁意粉，比較掛汁，建議食之前撈一撈匀，因為見個冬陰功汁響個底，個味幾出，食落有少少辣。而海鮮都算多料，有蝦，蜆，青口同魷魚。跟餐加$8轉飲自家製凍飲，羅漢果茶同富士山蘋果伯爵茶都幾好飲，唔會太甜。③ 蠔油菜心苗 $28均衡飲食好重要，平時出街食菜都知唔平，好彩碟油菜都有番咁上下份量。④ 椒鹽炸燒賣 $12無諗過冰室竟然有呢啲小食，好耐無食脆卜卜炸燒賣，12蚊6粒絕對係街邊價，抵食。