Tomato Story (已搬遷) 新店位置

今日開完會，獨自一人行下玩具街，睇下模型，好耐冇去灣仔，自從搬到九龍都少黎左，灣仔呢帶好特別，新舊對照強烈，沿灣仔利東街再行，有唔少橫行，仲保存不少特色小店。是日已經過左中午飯高峰期，街道比較清靜，發現街角上有間幾搶眼食店叫Tomato story，相信係新開不久，向前行再看看餐牌。Menu選擇不多，大概圍著蕃茄作主題，但今天卻沒什麼胃口，想食刺激一點，這裡居然有娘惹咖哩，見內𥚃潢裝清優，店員有禮，即管一試。好快上枱，馬拉娘惹咖哩帶清香咖哩味，吃下去一點都不太辣，我更喜歡帶少甜的咖哩，而咖哩汁杰杰的，配白飯一流！牛腩也算淋，不過主角仍是個汁，味道相當不錯！滿有驚喜的小店，以心經營。