蝦麵店 (荃新天地) (已結業)

好耐冇去過旅行喇，好掛住其他地方嘅嘢食啊！今日行行吓街聞到一陣陣香味，係娘惹嘅香味，一於入去懷念吓啦！好，坐低睇吓有咩好食先！辣味蝦湯海鮮麵，都幾足料，大蝦肉質爽口彈牙，青口幾新鮮，檬粉好索湯，食落辣辣哋咁，唔錯！福建滷湯蝦肉魷魚麵，湯底鹹香鹹香的，有啲似碗仔翅嘅質地，十分惹味，魷魚彈牙有咬口。馬來香炸雞翼，炸得酥脆，同香料好夾。馬來沙嗲雞髀肉串，滿滿嘅自制沙嗲醬，雞髀肉燒得幾好，唔會老。脆香魚皮，咬落去喀喀聲，正！娘惹參巴咖喱番薯葉，番薯又甜又夠腍，番薯葉沾滿參巴咖哩。摩摩喳喳，椰汁味濃，作為飯後甜品一流。