影片
更多
2021-03-29
5475 瀏覽
🏮終於可以食晚巿，終於可以熊妹全家齊腳出外食飯。熊妹家族好食得辣🌶，卡肥大大就提議食《十二味》，比阿豬媽試吓正宗嘅酸菜魚🐟，過一過鋪辣隱。📌裝潢好特別㗎，周圍都掛滿住紅噹噹燈籠，仲有功夫熊貓🐼做招牌，成件事好中華風味。📌等到阿豬媽放工過嚟，7:00入座，晚市好多人，任何時段都係限時一個半鐘，所以要快快手揀定好食咩就用手機落菜啦。人見人愛酸菜魚，配粉條，$256首先上枱嘅梗係招牌菜-人見人愛酸菜魚啦！哇！個碟真係大得震撼！仲要有深度喎！絕對唔欺場。介紹返，酸菜夠酸，份量夠多；魚肉夠滑，夠淋，冇腥味，冇骨，但又保持到魚味；酸菜魚湯底夠酸夠麻夠辣，有花椒八角調味，辣得真係好過癮，忍唔住連湯都飲埋。仲有啲萵筍片同埋水晶薯粉條🍜，非常之粗嘅一片，索晒啲酸菜魚湯汁，食一兩條已經好飽肚。燒椒皮蛋，$48卡肥誠意再推介，麻辣小食皮蛋，一碟有八件，係糖心皮蛋，中間嘅心係流心嘅，麻辣汁味道好特別，麻得黎之餘又帶少少甜，伴碟仲有少少辣椒皮，真係想撈晒啲汁食落肚。宮保雞丁，$98卡肥提議食宮保雞丁🐥，因為佢都未試過。哇！估唔到號大一碟喎！份量非常之多，雞肉粒好嫩滑，腰果好脆口，阿豬媽最鍾意食。大辣🌶真係好
🏮終於可以食晚巿，終於可以熊妹全家齊腳出外食飯。熊妹家族好食得辣🌶，卡肥大大就提議食《十二味》，比阿豬媽試吓正宗嘅酸菜魚🐟，過一過鋪辣隱。
📌裝潢好特別㗎，周圍都掛滿住紅噹噹燈籠，仲有功夫熊貓🐼做招牌，成件事好中華風味。
📌等到阿豬媽放工過嚟，7:00入座，晚市好多人，任何時段都係限時一個半鐘，所以要快快手揀定好食咩就用手機落菜啦。
人見人愛酸菜魚
$256
268 瀏覽
2 讚好
0 留言
首先上枱嘅梗係招牌菜-人見人愛酸菜魚啦！
哇！個碟真係大得震撼！仲要有深度喎！絕對唔欺場。
介紹返，酸菜夠酸，份量夠多；魚肉夠滑，夠淋，冇腥味，冇骨，但又保持到魚味；酸菜魚湯底夠酸夠麻夠辣，有花椒八角調味，辣得真係好過癮，忍唔住連湯都飲埋。仲有啲萵筍片同埋水晶薯粉條🍜，非常之粗嘅一片，索晒啲酸菜魚湯汁，食一兩條已經好飽肚。
燒椒皮蛋
$48
113 瀏覽
0 讚好
0 留言
卡肥誠意再推介，麻辣小食皮蛋，一碟有八件，係糖心皮蛋，中間嘅心係流心嘅，麻辣汁味道好特別，麻得黎之餘又帶少少甜，伴碟仲有少少辣椒皮，真係想撈晒啲汁食落肚。
宮保雞丁
$98
146 瀏覽
0 讚好
0 留言
卡肥提議食宮保雞丁🐥，因為佢都未試過。
哇！估唔到號大一碟喎！份量非常之多，雞肉粒好嫩滑，腰果好脆口，阿豬媽最鍾意食。大辣🌶真係好辣，辣到最後竟然連卡肥大大都食唔晒啲雞肉粒，不過呢個辣味幾啱熊妹家族口味，相信下次依然會再嗌大辣。
羊肉串
$42
99 瀏覽
0 讚好
0 留言
辣到未夠喉，仲要再試吓啲串燒先。羊肉串一碟有五串，一串大概有五六粒，一粒肥膏肉，一粒瘦羊肉，唔騷之餘又好有羊肉味，面頭灑上好多辣味調味料🧂，食落好惹味。
紅糖糍粑
$48
87 瀏覽
0 讚好
0 留言
📌食左咁多辣野，真係要食返啲甜野中和一下麻痺左的舌頭👅同孖潤腸咀👄。
一碟有八件🍡，長條型，係米漿糊做成，表皮煎得有啲脆皮，再灑上一堆黃糖粒粒，咬落去軟軟糯糯又有粒粒脆脆，多重口感，仲可以點埋跟上的紅糖漿，濕濕地又無咁乾身，幾特別的甜點。
📌加埋啲汽水茶飲🥤買單六百幾蚊，香港地，仲要位於尖沙咀物價騰貴🔝嘅地段，食到飽頂住個肚返去，呢個價錢呢個味道，差唔多啦！
張貼
