火鍋撚 (日富里百好大廈) (已結業)

同事講起去西環火鍋撚打邊爐，湯底係養生滋補老火湯，飲完湯先食火鍋，一提起大家都話想去食，一於放工拉大隊去飲湯食火鍋。店內環境極具古色古香的格調，卡座寬敞，坐得舒服。媽媽滋補老火湯鍋，湯底用咗紅蘿蔔、粟米、海底椰、猴頭菇等熬煮而成。味道清甜，有在家飲湯的滋味。脆鯇魚片，師傅刀工了得，切得片片厚薄均勻，而且擺放得整齊又精美，魚片好新鮮，肉質結實又爽脆。滑雞片無骨啖啖肉，肉質嫩滑。至尊水餃皇，水餃好足料，皮薄餡鮮，內有鮮蝦和木耳絲，所以特別爽口。山水滑豆腐超滑溜。即炸三秒響鈴配甜酸醬，即叫即炸，除咗灼三秒食還可以點甜酸醬即食，香脆可口，豆味香濃！最後有腐竹雞蛋糖水沙冰送，沙冰入口真係好似食緊腐竹糖水，好欣賞隻杯，古式古香好精緻。