Reserva Ibérica Tapas Bar & Restaurant (灣景中心) (已結業)

今日媽媽生日就帶佢嚟到灣景中心一樓嘅呢間西餐廳食飯慶祝🍾️。我哋食咗呢度嘅Lunch semi buffet ，抵食又好味，餐廳有一個buffet bar，呢度嘅食物可以任意拎嚟食，另外仲有一道主菜和一杯嘢飲可以選擇，呢個半自助午餐真係令人大飽口福。🦀蟹肉意大利麵配魚子醬，原隻蟹蓋放上意大利粉上面，入邊塞滿蟹肉和蟹膏，再加上魚子醬，成績意粉都非常豪華。用嚟慶祝生日適合到爆，原隻蟹肉蟹意粉入邊，奶油醬汁嘅意粉撈埋蟹膏一齊食，味道真係鮮甜到令人停唔到口，再加埋鮮甜有咬口嘅蟹肉同鹹鮮味魚子醬，真係我食過最好最好最好食嘅意大利粉。🐟香煎三文魚細細件真係唔係好夠喉，但係真係極度好味，三文魚魚皮先到香脆，魚肉幼滑，味道濃郁，每一啖都充滿三文魚香味，變相奶油醬和薯蓉一齊食，激滋味嘅享受。仲有菠菜和杏仁片，成道菜非常豐富，又充滿營養。🥓火腿係喺buffet Bar度拎嘅，係意粉一齊食都好好味，用嚟夾麵包有另一番滋味😋，真係舔舔脷！☕️熱茶嘅茶具Set非常靚,茶具好友森林feel，同色彩繽紛嘅餐廳非常夾。呢個熱茶喺紅茶嘅，又好香濃郁嘅茶香味。🍹橙汁新鮮打成，入邊仲有果肉，冰冰涼涼酸酸甜甜飲落去清涼又好開胃。