四喜冰室 (已結業)

同朋友帶埋大家既bb出黎聚一聚，去完bb展掃完貨，就經過附近既餐廳睇下有咩食，見到有間四喜冰室，睇落好似好多年歷史，但原來係佢地既特色之一，都會吸引到好多人黎食，重點係多選擇👍🏻我同朋友都係點左全日Menu，秘製蔥油雞扒炒蛋飯+冰室鮮茄牛肉燴意粉，兩份都好岩比bb食，bb仲好快食晒🤭而飲品叫左高山翠綠同四季春，佢地都係用樽裝好方便拎走，作為師奶們覺得呢一類冰室好方便我地傾計吹水！價錢方面又好抵食，係平民價錢黎，好岩我地食野吹水，職員都有同我地講晚市有雞煲火鍋同烤魚，晚餐又多啲選擇👍🏻