影片
更多
2018-07-23
549 瀏覽
好耐無同朋友上深圳按摩食好西，好鬼掛住上面d正菜，又hot又wet，諗起都回味無窮....拿，唔好諗埋曬d邪野，木嘴我係正人君子，又hot又wet係指食麻辣食到個人又熱又流汗者。因為辣癮發作，木嘴聽聞十二味系列既餐廳係一班內地學生黎香港讀書之後喺香港創業開既人開既，又聽講呢度有得食辣，所以今次約埋朋友試下呢間。點餐紙係十二味一貫作風，大大張俾你剔想食乜。價錢當然同內地同類餐廳無得比啦，好彩朋友預先用app訂檯有半價，即刻覺得超抵食。不過舖頭有d唔小心，小龍蝦用左”斤”做單位香港一斤16兩成600克有多，內地既市斤先至十進制計500克，雖然英文嗰度有寫番係0.5kg，唔知會唔會違反商品說明條例呢？不過有折我唔理得咁多食左先講啦。先黎一個酸辣木耳($28)做前菜木耳非常爽脆入味，證明有冰鎮過再瀝乾水。味道剛剛好唔會過酸，仲有打邊爐成日見到嗰種辣椒同蒜蓉，成件事好夾，非常正。之後就黎左碟麻辣小龍蝦($168)，不過我始終唔明白點解內地人咁鍾意食佢。小龍蝦的確有小龍蝦味既，但我覺得食蝦會開心d囉。之後就係呢度既招牌菜，香鍋！因為怕太辣所以第一次就揀左辣度1。所有自選材料都炒得好入味：寬粉($2
因為辣癮發作，木嘴聽聞十二味系列既餐廳係一班內地學生黎香港讀書之後喺香港創業開既人開既，又聽講呢度有得食辣，所以今次約埋朋友試下呢間。
點餐紙係十二味一貫作風，大大張俾你剔想食乜。價錢當然同內地同類餐廳無得比啦，好彩朋友預先用app訂檯有半價，即刻覺得超抵食。
不過舖頭有d唔小心，小龍蝦用左”斤”做單位
香港一斤16兩成600克有多，內地既市斤先至十進制計500克，雖然英文嗰度有寫番係0.5kg，唔知會唔會違反商品說明條例呢？不過有折我唔理得咁多食左先講啦。
酸辣木耳
$28
34 瀏覽
0 讚好
0 留言
先黎一個酸辣木耳($28)做前菜
木耳非常爽脆入味，證明有冰鎮過再瀝乾水。味道剛剛好唔會過酸，仲有打邊爐成日見到嗰種辣椒同蒜蓉，成件事好夾，非常正。
麻辣十三香小龍蝦
$168
225 瀏覽
0 讚好
0 留言
之後就黎左碟麻辣小龍蝦($168)，不過我始終唔明白點解內地人咁鍾意食佢。小龍蝦的確有小龍蝦味既，但我覺得食蝦會開心d囉。
經典香辣鍋
39 瀏覽
0 讚好
0 留言
之後就係呢度既招牌菜，香鍋！因為怕太辣所以第一次就揀左辣度1。所有自選材料都炒得好入味：
寬粉($28)—有乾炒牛河既感覺。
午餐肉($48)—雖然係cheap野，但對木嘴黎講，幾cheap既野食落口係好食就好食，真心午餐肉食完覺得好好食。
田雞($48)—走油再落鑊，好食
仲有金針菇($22)同娃娃菜($22)
齋食呢兜嘢已經好滿足，最重要係唔會太辣，唔會得個辣字掩蓋各種食材既味道。
飄香毛血旺
$148
74 瀏覽
0 讚好
0 留言
食到呢度，我地已經飽曬，不過聞到d辣油既味道仍然不自覺咁吞口水。
呢碟毛血旺($148)裡面有牛肚，豬大腸，鴨血，
大豆芽菜，蓮藕片等等既材料，全部野撈埋麻辣黎食，真係不得之了。我最鍾意食佢既鴨血，夠曬嫩滑，牛肚同豬大腸都切得好薄好入味。
不過同響大陸食既時候一樣，d內臟味都仲係好濃郁，香港餐廳的話會癖走佢既，不過呢間大陸人開，所以就要細味內臟既味了...食完覺得自己個口陣味似食人狂魔。
估唔到兩個人竟然食得曬咁多嘢，好彩有半價優惠，抵呀！
張貼
