炭火地雞 (已結業)

7點05分入座， 8點40分離座順帶一提，呢間餐廳係冇限時架咁點解我地咁趕住走呢？因為留喺餐廳入面真係貼錢買難受囉首先入到黎，已經聞到一陣up味。聽講呢間野好似開左冇幾耐，可想而知衞生情況有幾咁好。然後想落單，叫左5分鐘先有個侍應同我揮一揮手……然後不帶走一片雲彩咁去左做其他野。再過多幾分鐘佢終於施施然行番過黎拎走我地張單。我順便叫佢拎杯水，佢冷笑左一聲又行開左。我諗城門水塘距離呢度可能有d遠，所以好耐都未拎到過黎。我見到個另一個侍應經過，我又問佢想攞一杯暖水，佢居然歪嘴問我吓暖水啊？我話係呀，佢就答我冇呀，室溫水啦。咁都冇辦法，然後番黎嘅時候佢黑口黑面放低杯水，然後大力掉低碟餸，之後好假咁講句：哎喲唔好意思喎，然後行開。問你拎杯水啫，又唔係問你攞錢，唔洗咁嘅。食物質素好一般，碟碟都迷你過迷你兵團，真係好想請佢食banana。以依個價錢俾d咁嘅質素，CP值極低。再加埋咁嘅服務質素，真係華仔都想番飲杯忘情水，換佢今晚不流淚。