YA鴨 (已結業)

1️⃣招牌65度左右慢煮鴨片撈粗（免費加勁辣蝦咪菜脯）-好味道，鴨肉好香好嫩滑，同埋有好多塊，雖然望落細細碗，但我算細食，所以覺得食落都好滿足。免費加嘅菜脯好香，就咁食都幾辣，但佢會分開上，怕辣嘅人可以自行調節落幾多，唔洗擔心太辣。而且有兩條菜🥬，幾大方。不過可改善點係粗麵太太太勁鹼水味🥵如果有興趣嘅人建議叫飯好啲。-2️⃣台式夜市攤鹽酥雞-好味道，黎到熱辣辣好香口，個炸粉薄薄一層啱啱好唔會硬，唔會好似某啲餐廳咁炸粉多過雞肉。鍾意食台灣野嘅男朋友對呢個鹽酥雞讚不絕口👍🏻-3️⃣鴨屎香鴛鴦（少冰）-平時無飲開鴛鴦，我嘅了解鴛鴦係茶溝咖啡，但呢杯飲唔出茶味，似飲普通凍咖啡🤔-總括而言，今次叫嘅菜式味道都唔錯，如果有機會我會有興趣再光顧，值得推薦。但需要注意嘅點係餐廳空間唔大，座位較窄。另外上菜速度較慢，但都可能係因為新開張運作未熟習，希望之後會有改善。