可可豬椰香海南雞專門店

營業中

休息中

平時成日經過呢間外賣店，今次終於試咗佢既海南雞飯。除咗海南雞飯之外，仲點咗驚嘆黑蒜醬燒豬軟骨同滷水雞腎，飲熱情豐盛同埋可樂。攞到返屋企都仲係好暖，唔需要加熱。海南雞飯充滿椰香，而d雞並冇令人失望，入口非常嫩滑，特製既醬汁酸酸甜甜又帶點微辣，味道唔錯！驚嘆黑蒜醬燒豬軟骨份量唔少，而且好惹味。平時食滷水雞腎怕會太鹹，今次雞腎入味得嚟又唔會太鹹。熱情豐盛入面有熱情果、杞子、青檸等，飲落好fresh，啱哂夏天飲！