栢檔極品海南雞飯

營業中

休息中

今晚同爸爸買外賣食，叫咗個二人餐$188 (2個老火紅蘿蔔粟米湯，海南雞半隻，香煎魚香肉餅，小食：香麻辣鳳爪，雞油飯兩碗，雪米糍）極品海南雞雖然只得半隻，不過啖啖肉，雞肉好滑，舖頭放咗好多獎狀，質素有保證，沾上新加坡甜醬油、酸辣醬同埋姜蔥蓉，認真好味。香煎魚香肉餅賣相有d似燒豬頸肉，肉餅入面加入d鹹魚，入口好惹味，煎得又香又脆，幾惹味，味道有驚喜。香麻辣鳳爪已去骨，得番軟骨，麻辣比例啱啱好，d鳯爪食落唔會太硬，易入口，爽口，唔錯。皇牌冇味精靚湯D南瓜煲到溶哂入湯裏面，加埋蘿蔔同粟米，飲落覺得好清好甜，好易入口。唐生菜菜青綠爽口，份量都好多，仲開埋蠔油，食落都香d。雞油飯雖然明知雞油飯好肥，不過一開蓋，香噴噴既香味衝出嚟，減肥都要食哂佢。最後食埋甜品雪米糍，又飽又滿足。