民華魚蛋粉麵

營業中

休息中

今日去咗由細食到大嘅大埔民華餐廳 可能因為歷史悠久心得街坊歡心 所以好多人 需要等位兼搭枱先食到 下午時間依然有早餐可以食 只係貴幾蚊常餐梗係要揀炒蛋 呢度嘅炒蛋蛋味濃厚之餘 炒得十分嫩滑 多士亦都係出色之作 烘得夠乾身之餘牛油量仲好多 叫咗個薑絲牛肉通 薑味完全可以令鮮牛肉片更加香 牛肉味亦都好濃耐 通粉軟硬適中 每次嚟都會叫即炸西多士 西多士好厚身 而且上面嘅牛油仲係用咗鮮牛油 鹹香十足 多士蛋香味濃 而且入面仲好鬆軟 加上煉奶非常香甜 重點係價錢唔貴