篤篤船麵 (V Walk)

營業中

休息中

又想食海南雞，又想食炭燒豬頸肉，呢度有個海南雞拼豬頸肉飯，一次過可以滿足兩個願望。海南雞非常出色，雞肉去咗骨，方便食用。浸雞嘅時間亦都啱啱好，所以雞肉嫩滑無比。選用嘅雞隻唔會太肥，所以冇乜皮下脂肪，唔可以太油膩。咁啱廚師俾咗雞上髀嘅位置，真係好彩。炭燒豬頸肉亦都唔錯，外層燒到好香，咬落去油香充滿口腔。另外仲叫咗一個肥牛船河，船河湯底味道濃郁，牛肉嘅份量都幾多。然後跟餐加埋小食，炸蝦餅同埋炸魚餅，兩款都真材實料，食得出滿滿嘅蝦肉同埋魚肉，唔會好多粉，口感彈牙。