鳴虎石頭燒 (已結業)

屯馬線開通後，我哋間中就會沿線周圍去逛逛，早排去完紅磡行街，順路行咗去土瓜環尋食。啟岸最近開咗幾間新餐廳，打算試哂佢！😂之前食過鳴虎拉麵，今次試佢啲燒物。叫咗2個set，有主食、麵豉湯、沙律，食完好飽。😂🔸秘製燒雞配薯菜（$158）燒雞好大雞，皮香肉嫩，一切開好多肉汁，食落有香草味，幾惹味，點一點個醬汁味道更濃郁。薯菜粗身，炸得香口。🔸蒲燒完條鰻魚飯（$168）大條又厚肉，肉質細軟，碗埋香濃燒汁，甜甜地、好香好下飯！飯上仲有啲蟹籽，增加口感。麵豉湯有櫻花蝦嘅香味。