鼎家喜筷 (已結業)

去開荃灣海之戀商場，通常都行下商場同埋Donki，行到攰攰地就想近近地食dinner, 就搵到依間性價比好高嘅雞煲任食《鼎家喜筷》。晚市都係$168幸福雞煲90分鐘任食，價錢可謂相當之抵食。可以自由選擇辣度，唔食得好辣嘅我BB辣就啱哂。可以無限添加雞！仲可以免費加湯打埋邊爐！送到上嚟嘅雞煲煮幾分鐘就食得，打開雞煲就聞到好香嘅味道。有芫茜、洋蔥、蒜頭同埋辣椒爆炒。雞肉顏色都充滿光澤又大件，肉厚又嫩滑，吸引哂醬汁嘅味道，好惹味。另外仲可以加$28（每人）加配花茶，有菊花薏米同埋檸檬洛神。我就建議加埋，任飲同埋可以試哂兩款。菊花薏米好足料，真係見到粒粒薏米。而檸檬洛神就酸酸地好清熱解膩。另外仲有火鍋配菜可以叫，例如人氣嘅珊瑚蚌，口感爽口彈牙。我就另外叫咗響鈴同埋豆卜，咁嘅價錢真係好抵，又係食到好飽嘅一餐。✨人均250左右如果唔想錯過其他好介紹，記得follow我呀😘多謝大家！！！鼎家喜筷