影片
更多
2020-05-16
571 瀏覽
我認為一間餐廳嘅態度重要過味道即使食過再難食嘅鋪頭，都未試過要特登寫食評去指出佢嘅不是，因為我相信好唔好食都係各人口味。但今次實在食左一肚氣，唔係同路人就大晒嘅。我地星期五下午大概5點去食，一開始都係見裝修唔錯先幫襯。但可惜入到去大為失望⋯⋯我地叫左Dirty coffee, Baked Marshmallow with crackers, Green Tea Latte。問題1：店員態度極差我地叫左$88嘅 Baked Marshmallow with crackers share，得一個小鉗子放係食物旁，就想問佢要兩枝叉夾來食。但個店員好寸咁話：「棉花糖用叉食會痴住嘅，我地唔會比叉你。」當下我都明白佢嘅concern ，但明明隔離都食緊一樣嘅野，但又用叉食㗎喎⋯⋯ 之後就嘗試下跟佢建議用個小鉗子幫手，結果係完全無用嘅，最後我地被迫用手拎起食。我唔明點解客人要求到你都可以唔比，講真我想點用枝叉都係我嘅自由。我地由5點入去等咗20分鐘，食食下到6點，有位店員無啦啦搬晒啲野返鋪頭，又開始特登係我地隔離不斷掃地，好似準備收鋪。但係我地明明見到佢個牌同網上資料同樣寫明20：30先關門，入鋪或
即使食過再難食嘅鋪頭，都未試過要特登寫食評去指出佢嘅不是，因為我相信好唔好食都係各人口味。
但今次實在食左一肚氣，唔係同路人就大晒嘅。
我地星期五下午大概5點去食，一開始都係見裝修唔錯先幫襯。但可惜入到去大為失望⋯⋯
我地叫左Dirty coffee, Baked Marshmallow with crackers, Green Tea Latte。
問題1：店員態度極差
我地叫左$88嘅 Baked Marshmallow with crackers share，得一個小鉗子放係食物旁，就想問佢要兩枝叉夾來食。但個店員好寸咁話：「棉花糖用叉食會痴住嘅，我地唔會比叉你。」當下我都明白佢嘅concern ，但明明隔離都食緊一樣嘅野，但又用叉食㗎喎⋯⋯ 之後就嘗試下跟佢建議用個小鉗子幫手，結果係完全無用嘅，最後我地被迫用手拎起食。
我唔明點解客人要求到你都可以唔比，講真我想點用枝叉都係我嘅自由。
我地由5點入去等咗20分鐘，食食下到6點，有位店員無啦啦搬晒啲野返鋪頭，又開始特登係我地隔離不斷掃地，好似準備收鋪。但係我地明明見到佢個牌同網上資料同樣寫明20：30先關門，入鋪或點餐時都無提及過有咩last order 時間同關門時間。店員一系列嘅舉動完全好似想趕我地走，令我地食到好唔舒服。
因為疫症期間，用完膳同用過嘅紙巾都需要自行return返去櫃台。我地食完都跟指示歸還。當店員見到我地無將用過紙巾同飲完嘅杯自行扔到垃圾桶就以呼喝態度話：「紙巾同杯自己掉返啊」。其實自行扔返無完全無問題，但個下態度係寸到不得了。我地仲要見到隔離位走咗嘅客人不但無將餐盤自行歸還，仲要所有紙巾都係枱上，重點係店員一句都無話過佢地。
問題2：入鋪等足20分鐘先量體溫
相信大家無論到小店定連鎖店都會先量體溫才可進入店內，點知我地個日係店內足足等左20分鐘，
直到有人離開，先叫我地行到去店內盡頭，個位店員面前量體溫。如果我地係帶菌者，咁除晒罩嘅食客們應該中晒招。
食物同飲品質素非常一般，焗棉花糖仲要收$88，性價比極低，最後仲要食到成肚氣。就算有人請我地都決定唔會再去食，亦都唔想再比錢受氣。
題外話/補充資料：
如果服務一欄能夠有負分，我一定比負分
(以上食評乃用戶個人意見 , 並不代表OpenRice之觀點。)
張貼