珍姐泰國菜館

營業中

休息中

呢間在商場角落的泰國餐廳真係好抵食，叫咗個孖寶，$230，有一碟泰式黃咖哩蝦球加泰式海南雞半隻。佢個黃咖哩汁係杰身嘅，好香但係就唔辣，蝦球都有好多件，感覺上有接近10粒，D青椒同洋蔥都好好食，餸飯點印度薄餅同蒜蓉包都唔錯。呢半隻泰式海南雞都幾大隻，仲跟埋幾粒雞紅同幾片青瓜，隻雞都算滑，有雞味嘅，而且唔算好肥。呢個椰菜苗係侍應介紹嘅，揀咗蒜蓉炒，清清地，味道唔錯，感覺到好重纖維質。我地揀咗蒜蓉包點咖哩，熱辣辣都幾好食。