孟買廚房 (已結業)

男友對於中東菜一向情有獨鐘，佢講咗好耐要食呢間餐廳，終於今日同佢去試。之前我都有去過重慶大廈，但總係覺得好重口味、唔係好習慣。但呢間孟買廚房，就冇呢一種好重口味嘅感覺。雖然入到去裝修同埋餐牌嘅設計都有種孟買style，加上入面嘅Staff都係中東人。人少少，所以要點菜或者上菜嘅時侯，就要畀多d耐性啦。平衡過野食、服務、店內環境，整體感覺都覺得可以接受。在推薦之下點左以下幾味菜，雞肉kebab、咖哩羊同naan。上菜之前，仲送多左個脆餅同薄荷醬，又脆又辣。雞肉卡巴係用鐵板上，一共有6-7條，除左味道有啲鹹之外，都幾抵食。另外，佢個咖喱係值得推薦嘅，配naan一流！仲可以自己捲d雞肉kebab一大啖食落去，啖啖肉！喜歡中東菜嘅肉食小夥計又點可以錯過：）想食嘅朋友，記得去之前要check下booking app先，有半價嘅話係超級抵食架🤩我地呢餐埋單都係100零蚊。