影片
更多
2022-12-18
116 瀏覽
#大佬推介每季都有唔同主題嘅Omakase餐廳呢間餐廳每季都會推出一個主題嘅Omakase Menu，今次我哋就食咗冬季Menu（聽職員講，每逢三月、六月、九月、十二月嘅十號就會轉Menu，分別係春🌸夏☀️秋🍁冬☃️四個主題）首先食嘅係一件用咗日本春卷皮做嘅撻，中間係一舊用慢煮方法整嘅鮟鱇魚肝，面頭有啲青蘋果啫喱🍏，同埋西班牙杮，甜甜哋幾配搭個鮟鱇魚肝。最有心思嘅係，下底托住件撻嘅裝飾，每個都會唔一樣，而我呢個，師傅命名為黑洞😆用電筒喺底下照上嚟，令到個黑洞發光，好靚😍跟住落嚟係一幅好靚嘅畫🌌，係師傅親手畫架。食物方面，有紅色豆子包住低溫白蘆筍，食落都幾清新，仲有炸番薯，慢煮八爪魚，同埋一個粟米味嘅果凍，裡面係日本菜之花，甜甜地幾好味😋跟住係一款用墨汁加落西米做成嘅米紙，上面係北海道牡丹蝦同埋Caviar，仲有點點蝦膏、枝豆蓉，當pizza🍕咁拎起食，都幾得意😁再嚟係一個好靚冬季造型嘅場景，有個雪人公仔☃️好精緻，上面係三款刺身，分別係平目魚、深海池魚、鯖魚。然後係一個大Fish ball，包住左大大粒帶子、花竹蝦🦐、賴尿蝦，再加埋魚肉一齊做出嚟。Fish Ball軟軟棉棉，個湯底亦清清甜甜
呢間餐廳每季都會推出一個主題嘅Omakase Menu，今次我哋就食咗冬季Menu（聽職員講，每逢三月、六月、九月、十二月嘅十號就會轉Menu，分別係春🌸夏☀️秋🍁冬☃️四個主題）
首先食嘅係一件用咗日本春卷皮做嘅撻，中間係一舊用慢煮方法整嘅鮟鱇魚肝，面頭有啲青蘋果啫喱🍏，同埋西班牙杮，甜甜哋幾配搭個鮟鱇魚肝。最有心思嘅係，下底托住件撻嘅裝飾，每個都會唔一樣，而我呢個，師傅命名為黑洞😆用電筒喺底下照上嚟，令到個黑洞發光，好靚😍
跟住落嚟係一幅好靚嘅畫🌌，係師傅親手畫架。食物方面，有紅色豆子包住低溫白蘆筍，食落都幾清新，仲有炸番薯，慢煮八爪魚，同埋一個粟米味嘅果凍，裡面係日本菜之花，甜甜地幾好味😋
跟住係一款用墨汁加落西米做成嘅米紙，上面係北海道牡丹蝦同埋Caviar，仲有點點蝦膏、枝豆蓉，當pizza🍕咁拎起食，都幾得意😁
再嚟係一個好靚冬季造型嘅場景，有個雪人公仔☃️好精緻，上面係三款刺身，分別係平目魚、深海池魚、鯖魚。
然後係一個大Fish ball，包住左大大粒帶子、花竹蝦🦐、賴尿蝦，再加埋魚肉一齊做出嚟。Fish Ball軟軟棉棉，個湯底亦清清甜甜，裡面有啲日本食用菊、炸稻穗，仲好有心思將一片百合整成櫻花花瓣🌸嘅形狀，好好味。
跟住炸目光魚，最得意係佢個形態，好似飛緊上天咁🛫。原條深海目光魚炸到脆卜卜，成條魚連軟骨都可以食，由尾部開始食到魚頭，口感會有微妙變化。
京都豆乳配九州粟米🌽，頂部用粟米做咗個cream，豆乳連粟米cream一齊食，豆味同粟米味係非常搭配。
日本水果茄🍅同埋蓮芋，非常清爽香甜，上面係用草莓🍓打成嘅泡泡。最有心思係，師傅用咗個好似櫃桶喺盒仔裝住，好得意😁
跟住兩款，分別係紅菜頭做嘅一個脆筒，裡面包住新西蘭scampi龍蝦🦞，面頭係用龍蝦殼打咗個cream再加風乾caviar。另一款係蓮芋加松葉蟹肉🦀同埋大閘蟹膏。
麵豉湯最特別之處，反而係個碗蓋，望落去係個心形嚟架🧡
最後甜品係一份山形縣梨🍐、一份北海道蜜瓜🍈，同埋一個自家製嘅海鹽雪糕🍦
冬天嚟到，食到一個冬天主題嘅Menu，好開心，期待餐廳下一季嘅Menu😊
大佬推介 每季都有唔同主題嘅Omakase餐廳
張貼
