Mazazu Crepe (已結業)

今日要去Ocean Terminal一轉，一心諗住要黎食個crepe，不過係中環碼頭去尖沙咀途中已經被一間未食過的burger店「強搶」左我個lunch，哈哈。我要話俾Mazazu聽其實我無離棄佢，所以要黎食番個雪糕。季節限定呢個gimmick對我黎講，真係慚愧少少講句，都幾work，所以一向唔太「好」巨峰提子的我都要來一個。而且我對Mazazu的出品投以信心，雖然巨峰提子呢類高危食品好易出事，不過應該OK既～不出所料，呢個雪芭（係呀，係雪芭），又可以喎！至少無一般巨峰提子的古怪人造味道，無好假的甜味，加上雪芭一向好容易溶，但呢個唔會，食落有一種清新的感覺，唔漏，都算超額完成啦。