Mazazu Crepe (已結業)

由細到大都好鍾意飲奶, 而食雪糕, 最鍾意一定係最夠奶味嘅Mazazu Crepe特濃 5.0 北海道牧場軟雪糕!每次去銅鑼灣, 都一定會去Sogo食杯北海道5.0牛奶雪糕。Mazazu Crepe嘅雪糕係用生乳製造, "生乳" 係指由日本農場即榨嘅生奶, 超濃郁嘅牛奶味, 綿密幼滑嘅質感, 連個雪糕cone都係Mazazu自家製, 厚身又夠脆, 無其他軟雪糕可比, 正! 除咗原味, 仲會有另一種味道選擇, 味道會定期轉換, 好似朱古力或者藍莓等, 但我多數都係食原味, 因為其他味道嘅雪糕唔係用5.0奶, 而係用3.6奶, 同埋會做到少少sorbet嘅效果。所以我都係鍾情原味 - 北海道5.0牛奶!不過今期嘅櫻花味雪糕, 真係要推介一下! 淨係見到個名已經令人心花怒放! 一食落口, 又香又甜, 更令人心曠神怡! 好似我咁未去到日本賞櫻嘅朋友, 快d去試下呢個櫻花雪糕, 至少可以心靈上滿足一下, 嗰一刻可以當住自己係日本先!佢地嘅crepe都做得好好, 即點即製, 新鮮熱辣, crepe皮均勻軟熟, 有蛋香, 配料配搭得宜, 夠份量, 一個crepe已經可以當餐。蛋卷都ok, 軟熟不太甜