神虎拉麵 (已結業)

見佢季節限定又食膩左豬骨口味,所以就試一試佢.第一啖循例都係飲啖湯先,味道比較淡,始終都係食慣同食開豬骨口味,比較鍾情濃郁同杰達達0既口感,所以哩個湯底我0黎講係比較淡同薄,加上只有淡淡的醬油味同香味,不太能符合到醬油哩個主題,同期望有所出入.另外麵底係直麵,軟硬度適中,掛湯度頗配合湯底.叉燒又係得一塊,食完都無感覺,反而筍段出奇地多,食極都有.流心蛋今次做返好左,極流心同勁香蛋味.香港醬油味拉麵少之又少,而我亦甚少會食有關口味0既拉麵,所以唔知哩個期望會唔會過高,有機會一定要係日本試一試高質素0既醬油拉麵~題外話,今次坐既位置完全見到晒整個煮食過程,發現整個過程師傅都一絲不苛,淥麵,飛水,溫碗都做足,而且做得一d都唔hae,完全感受到佢0既誠意同對食物0既尊重及要求,哩一點十分令人讚賞,所以神虎拉麵經常排長龍是不無道理的.