茶木‧台式休閒餐廳 (MegaBox) (已結業)

茶木上星期又推出新嘅季節限定食品，就係非常之香甜嘅愛文芒。除咗愛文芒熱食、飲品同甜品外，茶木仲推出咗山渣話梅春雞，可惜我太早去到，山渣話梅春雞未預備好出售，唯有下次再嚟試依隻春雞喇。豬三寶拌麵茶木自家製手作拌麵，配上豬三寶，分別有豬大腸、腩肉同豬耳。除此之外，仲有腎啦、梅菜、素鴨（原本係鴨血嘅、但已經賣哂）、溏心蛋。非常之豐富。所有餸菜都烹調洽當，嫩滑唔韌。蚵仔肉碎泡飯夏天食泡飯真係好合適，呢個又鮮味又有台式風味嘅蚵仔肉碎泡飯，確係茶木其中一款人氣食品。蠔仔粒粒飽滿，又肥又鮮甜, 而且份量都好足夠。茶木嘅依個蚵仔肉碎泡飯，豬肉碎中加埋魷魚，提升整個泡飯嘅鮮味之外，亦為豬肉碎增加一份咬口。愛文芒珍珠鮮奶當造季節嘅愛文芒，加上鮮奶同珍珠。珍珠軟糯，飲品鮮甜美味。與普通嘅芒果珍珠鮮奶，最大分別就係用上咗愛文芒，令飲品更加香甜。愛文芒沙冰另一款用咗愛文芒嘅季節限定飲品。將愛文芒打成沙冰，香甜之餘，亦為依個炎夏帶嚟一陣快感。