Sodam Chicken (已結業)

天氣開始涼，好想食芝士火鍋😋最後決定嚟Sodam Chicken，因為佢有季節限定芝士火鍋🧀🥘仲有炸雞🍗食🤤我地book咗銅鑼灣百樂中心嗰間，喺Times Square附近，港鐵站行過去好近好方便。一坐低，我地即刻叫咗個特級芝士火鍋($268)。呢個餐包括 :-可以免費加芝士醬一次-手工流心芝士年糕-紫薯年糕-黃金炸薯條-腸仔-車厘茄-農夫包粒-炸魷魚芝士醬濃厚香滑重芝味😋薯條香脆，炸魷魚薄薄一層炸醬，上枱時係熱辣辣嘅👍🏻我最鐘意呢個流心芝士年糕同紫薯年糕，口感煙煙韌韌，點埋芝士醬，好味！韓式炸雞我地揀咗原味同蜜糖芥末雙併($175)。外皮炸得香脆鬆化，肉質嫩滑。味道甜甜地，不過好似冇咩芥末味。試下成舊炸雞拎嚟點芝士醬，個芝士醬真係好正，點咩都好食。食炸嘢飲可樂($20)係唔少得嘅。另外叫咗杯蘋果特飲($58)，好清新，似蘋果茶味，可以消下炸嘢嘅油膩感。**********埋單連加一$573，價錢唔平，但可以試下芝士火鍋係開心嘅。