影片
更多
2014-05-27
1775 瀏覽
竟然有間日式班戟店開喺般咸道東邊街口呢個死位，須知呢個位人流偏少，食肆幾乎開一間執一間…舖頭細得廿個位左右，但星期六晚飯時間都坐唔滿。環境尚算光猛舒適，侍應殷勤但偶然論盡或畀漏嘢。食物用料應不差，見有保利牛奶同亨氏茄汁罐，唔係呃人啩?主打班戟又香又鬆軟，應屬足料炮製，加埋牛油更能帶出班戟香味，質素甚佳，物有所值。其他食物一般貨色，三文魚總算保留魚油香亦唔腥，其他只屬叮叮食物質素，炸物嘅炸粉更甩皮甩骨。套餐勝在多嘢食一大盤樣樣有，唔食得都睇得。呢類舖頭應該主力賣班戟開喺消閒區，開喺住宅區貪競爭少舖租可能稍平但焗住賣非擅長填肚餐，何必?如果捱得到地鐵通車人流或有改善，但好似又延遲喎…
舖頭細得廿個位左右，但星期六晚飯時間都坐唔滿。環境尚算光猛舒適，侍應殷勤但偶然論盡或畀漏嘢。
食物用料應不差，見有保利牛奶同亨氏茄汁罐，唔係呃人啩?主打班戟又香又鬆軟，應屬足料炮製，加埋牛油更能帶出班戟香味，質素甚佳，物有所值。
其他食物一般貨色，三文魚總算保留魚油香亦唔腥，其他只屬叮叮食物質素，炸物嘅炸粉更甩皮甩骨。套餐勝在多嘢食一大盤樣樣有，唔食得都睇得。
呢類舖頭應該主力賣班戟開喺消閒區，開喺住宅區貪競爭少舖租可能稍平但焗住賣非擅長填肚餐，何必?如果捱得到地鐵通車人流或有改善，但好似又延遲喎…
張貼