金子半之助 (新都會廣場) (已結業)

今時今日食日式丼飯都係個唔錯嘅選擇，一人一碗減低交义感染風險呀嘛！天丼 $138食材包括穴子、蝦、小柱魷魚餅、魚、半熟蛋、海苔。價錢唔平，但還好配料非常澎湃！穴子屬於「星鰻」嘅鰻魚品種，外形比用嚟做鰻魚飯嘅幼細好多，味道亦比較淡口，肉質亦冇鰻魚厚實，不過口感嫩滑。長約30cm絕對係此天丼嘅最大賣點！小柱魷魚餅係哩度自家食譜，細小元貝混合魷魚粒一起炸成天婦羅餅，彈牙口感配上酥脆炸衣，非常好味！炸半熟蛋更加考功夫，丼飯食到底時先擠爆蛋槳，讓蛋槳混和餘下米飯，就算食到底都唔怕單調！天婦羅丼醬汁先係靈魂，哩間聲稱係用百年秘方，比食慣嘅天婦羅醬汁略為濃，甜鹹度適中，送飯一流。