和 Can (已結業)

每間大學都總有佢嘅特色餐廳或者食物，黎到中文大學真係不得不推介和聲餐廳，首先和聲餐廳環境都幾好，除咗好闊落寬敞之外仲好光猛，坐近窗邊位仲可以見到遠境，食住野睇住風景感覺都真係唔錯。講返食物先，呢間餐廳最出名嘅都莫過於德國豬手，出名在於平，而質素亦都唔差，性價比頗高，啱一大班同學仔落堂之後嚟呢度食嘢。當然你既期望都唔好咁高，但係以咁既價錢來講，過吓口癮都唔錯。另外叫咗炸薯角同Pizza食，冇乜特別，正正常常，唔特別推介，但都唔中伏嘅。