宜記甜品

營業中

休息中

相信讀hku/住西環既人對宜記依個名實在唔會陌生。住hall叫宵夜、練完波食飯，宜記確係一個好既選擇。價錢平又多選擇，每日唔同款都可以食番一頭半個月。想食飯既會嗌咖哩蛋包雞球飯、溫泉蛋泡菜牛肉飯；平平地就係翼米；天氣熱既時候就係五色冷麵。依啲食物都係平時大家會嗌既熱門食品。今日都係練完波諗唔到食咩，就揀左宜記。天氣又熱就揀左五色冷麵，嘢飲就係珍珠桔檸蜜，個個都會嗌依個，都稱得上係宜記既招牌。冷麵好足料，一啲都唔慳。醬唔夠既話可以叫佢加，但今日做完運動就費時咁肥啦。珍珠桔檸蜜有熱有凍，打完波就當然係嗌凍啦。太口渴既關係，一上枱就已經忍唔住飲左一大啖。細細間鋪，店員都好貼心，每次見人打完波身水身汗入黎都會問使唔使開大啲冷氣