岡一拉麵 (已結業)

學完車，一個人返到屯門，平日經過成日見到呢間拉麵店仔，今次終於決心走入去試下。可能係星期日既中午啦，附近又多教會，店仔細細都幾多人，坐位比較迫，我一個人食自不然要同人搭枱啦。坐底叫咗一碗炸雞件拉麵，盛惠$28。可能係家庭式經營，叫咗碗麵大約等咗十五至二十分鐘先到，不過佢好在係餐廳放咗幾本新既雜誌供食客閱讀。在店面的玻璃大大隻字寫住粟米豬骨湯底，咁碗麵一到，即刻就飲啖湯先，果然係粟米豬骨湯，同阿媽係屋企煲既粟米煲豬骨好似，不過我覺得個味道偏淡。而個拉麵就幾好，食唔出梘水味，亦都爽口。個雞件係分開碟上既，所以唔會俾 d 湯浸淋咗，但係我就覺得咸咗 少少 。總括黎講，$28 食到呢個質素算好好啦，下次可以再食。