影片
更多
2015-09-15
183 瀏覽
就快到秋天季節，身邊嘅朋友又開始講緊食大閘蟹...講開食蟹令我念念不忘嘅 ，係幾個月前有一次係觀塘嘅韓國餐廳食咗一隻生既醬油蟹。食生蟹嘅感覺係蟹肉嘅肉質黏黏嘅，又軟綿綿既。經朋友介紹尖沙咀呢一間韓膳宮韓國料理, 都有醬油蟹食, 所以就急不及待咁book咗枱，希望再食多次韓國人嘅醬油蟹。由於係平日，客人並唔多，入到呢間韓膳宮韓國料理, 感覺佢似去咗人地嘅屋企甘，除咗抬頭嘅燈飾比較有藝術感之外，所有嘅裝修都好似係屋企咁平民化，裝修簡單利落，不遠處有部電視播放劇集，所以感覺自在。餐牌付有圖片，有散叫又有套餐，選擇幾多價錢合理。菜式豐富又有圖片，簡單易明，最適合我哋呢啲睇圖片叫菜既懶人。落左單後，冇幾耐店員就將六樣韓式前菜放係枱面，見到呢排小碟，終於感覺有啲似喺度食韓國野啦！..食韓國嘢當然唔少得叫韓國嘅米酒—農酒，雪白嘅韓國凍農酒，清新微甜，飲起嚟非常清熱解渴，配搭韓國燒烤簡直係最佳拍檔，甜甜嘅農酒入口非常順暢，感覺冇咁熱氣。飲韓國農酒，我覺得比任何韓國燒酒更暢快，而且價錢才95元，一大樽，两人飲足成晚！我地急不及待咁叫左醬油蟹，醬油蟹的汁除醬油，砂糖，蒜蓉外，仲加左啲酒，所以味道香醇濃厚。
講開食蟹令我念念不忘嘅 ，係幾個月前有一次係觀塘嘅韓國餐廳食咗一隻生既醬油蟹。
食生蟹嘅感覺係蟹肉嘅肉質黏黏嘅，又軟綿綿既。經朋友介紹尖沙咀呢一間韓膳宮韓國料理, 都有醬油蟹食, 所以就急不及待咁book咗枱，希望再食多次韓國人嘅醬油蟹。
由於係平日，客人並唔多，入到呢間韓膳宮韓國料理, 感覺佢似去咗人地嘅屋企甘，除咗抬頭嘅燈飾比較有藝術感之外，所有嘅裝修都好似係屋企咁平民化，裝修簡單利落，不遠處有部電視播放劇集，所以感覺自在。
餐牌付有圖片，有散叫又有套餐，選擇幾多價錢合理。菜式豐富又有圖片，簡單易明，最適合我哋呢啲睇圖片叫菜既懶人。
落左單後，冇幾耐店員就將六樣韓式前菜放係枱面，見到呢排小碟，終於感覺有啲似喺度食韓國野啦！..
食韓國嘢當然唔少得叫韓國嘅米酒—農酒，雪白嘅韓國凍農酒，清新微甜，飲起嚟非常清熱解渴，配搭韓國燒烤簡直係最佳拍檔，甜甜嘅農酒入口非常順暢，感覺冇咁熱氣。
飲韓國農酒，我覺得比任何韓國燒酒更暢快，而且價錢才95元，一大樽，两人飲足成晚！我地急不及待咁叫左醬油蟹，醬油蟹的汁除醬油，砂糖，蒜蓉外，仲加左啲酒，所以味道香醇濃厚。
蟹膏非常豐富，新鮮又帶有光澤。滿足！我哋叫咗個二人餐, ＄438兩個人非常抵食。出乎我意料嘅係呢度既牛肉，肉質非常鮮嫩，在包住嘅菜沾上少少韓國味噌，非常可口。一啲油膩感都冇。
呢個韓式味噌，值得一讚~! 味道清甜帶微辣，混入烤肉上面一齊食，令肉味更加突出。^_^由於對呢度嘅牛肉印象大好，所以我哋追加左一個牛肉金針菇。
呢個牛肉金針菇嘅肉質對來講比較肥，但係唔大多啲脂肪又點會入口即溶呢。肉質真係非常細嫩嘅。好味！
石頭豬肉鍋飯又係我力推界嘅菜式。飯粒乾燥有咬口，用了大量生菜肉碎雞蛋等材料，好豐富好好味。估唔到一間裝修咁簡便嘅韓國料理，所用嘅材料同埋食物非常之有誠意。
食完所有餸菜，我哋捧住個肚, 慢慢嘆飲農酒, 好輕鬆咁睇電視。就好似係屋企一樣舒適滿足, 下次大家來尖沙咀不看又試吓呢間吖
題外話/補充資料：
係呢度嘅烤肉無論醬汁或者肉質都係非常之柔嫩~:like: service is good too :)
(以上食評乃用戶個人意見 , 並不代表OpenRice之觀點。)
張貼
