宏 (已結業)

宇治抹茶蛋捲今日帶小朋友嚟黃埔學嘢，黃埔新開咗有一個叫九號水產嘅地方，裏面全部都係食肆，咁我哋就去試下啦！去了一間叫做'宏'嘅食店，佢好似啲甜品好出名，特別係佢啲抹茶蛋捲，我哋未食晚飯，所以入咗去食，叫咗個鰻魚飯，啲鰻魚好新鮮，啲魚好鮮味，好林好新鮮，配埋啲秘製嘅鰻魚汁好好味，阿仔食到唔停口食咗好多飯，而且仲配有烏冬㖭！最後仲送埋個抹茶蛋捲，個蛋捲先至係佢最好嘅 最出色嘅地方，個蛋捲抹茶味好香，好香濃而且蛋糕好軟熟，裏面啲cream好creamy！我同仔仔都食得好開心，仲叫咗一杯宇治抹茶奶，同喺日本飲嘅一模一樣，抹茶味香濃，而且好creamy！今日都幾熱，我哋叫咗凍嘅，啲冰喺個杯度慢慢溶化，佢嘅甜味啱啱好，飲到最尾杯嘢都依然夠味。