東海堂 (荃灣千色匯I)

營業中

休息中

食東海堂嘅雪糕好講緣份，唔係間間都供應，近我嘅都冇…之前都喺尖沙咀天星碼頭食，坐船過海順個便。今日晚飯喺荃灣食，因為未夠鐘，所以先喺附近食個雪糕滿足下。本來係試下講左好耐想食嘅芝麻味，但店員話冇哂，雪糕只係剩番抹茶味…是但啦，反正佢地嘅抹茶都幾多人讚，而且我又未試過。宇治抹茶軟雪糕 $30採用丸久小山園抹茶製成，抹茶味濃厚甘醇，奶味唔算好重，相對之前食過嘅焙茶同紫薯口味，甜度更為適中。雪糕質地厚滑，唔會好似食紫薯嗰款咁膩口，但真係溶得好快，滴到我成手都係。雪糕筒薄脆，比起頭兩次食感覺良好。值得一讚係佢地唧雪糕都唧得幾靚，食到尾都有，性價比算高。