Via Tokyo

營業中

休息中

原本想食附近好出名間冰屋，點知5點半店休，就食左呢間甜品店，濃濃的宇治抺茶！① 蒴餅 - 宇治抺茶 $59招牌甜品，雪糕份量幾多，唔會太甜，幾有質感。雖則平日抺茶紅豆呢個配搭好夾，但今次我覺得個抺茶雪糕配抺茶粉仲正，配紅豆好似有啲甜。蒴餅煙韌，加埋粒栗子，成件事好豐富。.② 宇治抺茶半熟焦香芝士蛋糕 $48唔會覺得好膩，面層焦香，中間少少流心，半熟蛋糕軟熟，加埋少少綠茶粉忌廉味道層次更豐富。③ 抺茶拿鐵 $40拉花無餐牌咁花巧，不過真係好好飲，香濃抺茶味，醇滑口感.落單果陣見到有套餐叫，不過我揀款蛋糕同飲品都要額外加錢，當我仲計緊散叫定套餐抵啲，店員就話套餐個份量少啲，所以我幾樣都係散叫。