翠華餐廳 (已結業)

有幸得到「安佳菠蘿油及西多士王者選舉」的禮物 - 免費菠蘿油&西多士, 在快到期的情況之下, 剛巧到中環開會, 正好順便"銷毀"左佢。憑信可到指定茶餐廳品嚐菠蘿油&西多士, 其實本來無諗過去翠華, 因為之前食過覺得只是一般, 但奈何此券的有效茶餐廳有得食菠蘿油就未必有得食西多士, 在不想去兩間唔同地方既情況之下, 最後都係選擇左去翠華, 其實金華是另一好選擇, 奈何時間不容許。在坐底前已經先問是否用得coupon, 侍應話可以。坐底再問一下有沒有最低消費, 因為我只會叫一杯飲品, 另一位侍應話因為是免費的關係, 都希望我可以叫番d野。其實這不是錢的問題, 係我真係食唔到咁多野, 所以拜託佢再問一下, 之後的答案是可以只叫一杯飲品, 真的感謝。菠蘿油先來, 唔講唔記得呢度係冰鎮菠蘿油, 菠蘿包很大個, 已切開口, 但牛油是冰鎮住的, 在個包唔熱既情況之下, 自己很難查得均件牛油, 咁既食法似平時在麵包鋪食到的大大件牛油夾在中間, 但如果我在茶餐廳食, 我會想食溶的菠蘿油。還好層菠蘿仲脆而且夠甜, 總括黎講不算差但也不算好。西多士賣相很不錯, 但吃落去只是很一般, 西多士中間沒涵, 外層也