上岸料理 (已結業)

早排同左爸去左棉登徑依左間日本菜，都唔錯喎！食日本野刺身當然唔少得啦！我地又唔想食埋啲普通魚，咁就揀左幾款比較特別既魚，我地揀左石垣貝、赤鯥魚、深海池魚、竹簽魚同紅衫魚（$524）！呢幾款魚都比較鮮甜，微微過追就更加香，唔好再次次都食三文魚啦🤗雖然話去食日本野，但係最愛我工地我媽見到我講多次就即刻點左兩件（$170）！鵝肝煎得一啲都唔油膩，微微脆面加上入入口即溶，簡直係一口一幸福！我哋再叫多咗個帆立貝士多啤梨沙律（$118），呢個組合係出邊都比較少見，帆立貝刺身嘅鮮味同士多啤梨嘅甜味出乎意料之外地夾，係一都幾清新而且特別嘅沙律！此外，我哋叫咗明太子手羽（$38），明太子釀入咗雞翼入面，雞翼燒得好脆，微微嘅辣味更加豐富左雞翼嘅味道，而且保持到好juicy，幾唔錯！食到最後，都想飲返碗熱辣辣嘅味噌湯做總結（$30），驚喜位係有幾隻蜆喺湯入面，老沙而且幾新鮮，令到平平無奇嘅味噌湯都變得鮮甜，呢個結尾好圓滿🤗另外一提，每次食物黎到既時候，店員都會好好咁解釋一下，服務態度一流！