Tree Health and Sports Cafe (裝修中)

去得親子餐廳都係想有個地方可以俾小朋友放下電，大人食下野之餘又可以喺可視範圍內見到小朋友既情況。呢間餐廳既客觀條件的確唔錯，用餐區鄰近遊樂區而不足5米之隔，對家長黎講可以話係非常方便。可惜，呢間舖既management真係太差。以我地今次既體驗為例，我地一行8大4小落左booking，當日有多個friend兩大一小想join，但職員竟然以冇book而且已經full左為由拒絕進入，呢個我地都明白既，即使我地見到個場唔係好多人而職員抱住「有錢都唔膁」既心態去同我地講，畢竟賺多賺少都係出咁多糧，我地只係戥老闆擔心。除此之外，餐廳出餐亦好有問題，即使我地呢班已經book左既客人都要等好耐先可以有野食，職員甚至因此而叫我地購買現成飲品以滿足佢地min charge既要求，其實即係話呢間餐廳本身已經serve唔到book左位既客人，既然係咁，當初又點解俾咁多人book？將軍澳區有既親子餐廳的確係好少，但係咁既management去經營一間餐廳，首先一定唔會吸引到回頭客，未去過既睇完我呢個體驗，都值得考慮一下係咪要繼續去。