根

營業中

休息中

星期日11:40到咗，前面約有廿幾人排緊，裡面只有6張雙人枱，8個bar枱位同埋圍繞樹既幾個打卡位，本來都已經打定輸數可能要等第二輪，結果12點準時開門，真係啱啱到我地就截咗，而其實當時幅畫前面仲有兩個位，但就冇安排比人坐。等到12:50有一張雙人枱走咗，收拾完後一直冇安排我地入去，等到差唔多13:00就忍唔住入去問啲職員，點知佢話要Hold比後面8個人，我地嚟先點解要hold比佢哋（佢地仲要離譜到兩個人嚟排隊先，然後最後有6個人加入！咁下次我1個嚟排隊，帶100個人嚟都得啦？！）我話有冇搞錯，然後個職員安排我地坐幅畫前面嗰兩個位，我當時真係火都嚟，你點解唔一早安排我地坐呢個位？！搞到我地白等成個鐘！食物一般，cafe價錢，預咗都係為打卡而嚟，知道會多人嚟朝聖，但安排得咁差真係令人好失望，唔會有下次。